બારડોલીના કરચકાથી મઢી જતા માર્ગે પર ઈકો કારે બાઈકને અડફેટે લેતા કરચકાના યુવકનું મોત થયું હતું. બારડોલી તાલુકાના કરચકા ગામથી મઢી તરફ જવા માટે એક બાઈક લઈને કરચકા ગામ નિશાળ ફળિયામાં રહેતો નિમેશ દિલીપભાઈ હળપતિ જઈ રહ્યો હતો તે દરમિયાન સામેથી માંડવી તાલુકાના ઝાખલા તરફથી ઈકો ફોર વ્હીલર ગાડી લઈને પુરપાટ ઝડપે આવી રહ્યો હતો. તેણે નિમેશ હળપતિને જોરદાર ટક્કર મારી હતી. જોકે કરચકા રોડ પર સર્જાયેલા અકસ્માતમાં નિમેશ દિલીપભાઈ હળપતિનું કરુણ મોત નીપજતા પોલીસે ઈકો ગાડીના ચાલક વિરુદ્ધ ગુનો નોંધી આગળની તપાસ હાથ ધરી હતી.