Owner, Publisher, Editor :- Maheshbhai Prajapati RNI REG NO GUJGUJ/2016/70990 Mo. 78200 92500

માંડવીનાં ગોડસંબા ગામનો યુવક ઓનલાઈન ગેમમાં રૂપિયા હારી જતાં તાણવમાં આવી આપઘાત કર્યો

  • April 02, 2025 

સુરત જિલ્લાનાં માંડવી તાલુકાના ગોડસંબા ગામમાં એક ૩૮ વર્ષીય યુવકે ઓનલાઈન ગેમમાં આશરે ત્રણ લાખ રૂપિયા ગુમાવ્યા બાદ માનસિક તણાવમાં આવીને ઝેરી દવા પીને આપઘાત કરી લીધો છે. મૃતક અજયભાઈ બાબરભાઈ પટેલ માંડવી તાલુકાના ગોદાવાડી ગામના ચાલી ફળિયાનો રહેવાસી હતો. પોલીસ રિપોર્ટ અનુસાર, અજયભાઈ છેલ્લા એક મહિનાથી 'એવીએટર' નામની ઓનલાઈન ગેમ રમી રહ્યો હતો અને તેમાં તેણે ત્રણ લાખ રૂપિયા જ જેટલી મોટી રકમ ગુમાવી દીધી હતી. પૈસા હાર્યા બાદ તે ખૂબ જ તણાવમાં રહેતો હતો.


ગત તારીખ ૨૭મી માર્ચના રોજ સવારે અજયભાઈએ ગોડસંબા ગ્રાઉન્ડ ખાતે ઘાસમાં નાખવાની પેરાક્વીટ નામની ઝેરી દવા પી લીધી હતી. તેમને તાત્કાલિક સારવાર માટે માંડવીની આત્મીય હોસ્પિટલમાં ખસેડવામાં આવ્યો હતો. જ્યાંથી તેને વધુ સારવાર માટે સુરતની બેન્કર્સ હોસ્પિટલમાં દાખલ કરવામાં આવ્યો હતો. જોકે, સારવાર દરમિયાન ૨૮મી માર્ચના રોજ તેમનું મૃત્યુ થયું હતું. આ ઘટનાની જાણ તેના મોટાભાઈ અનીલભાઈ બાબરભાઈ પટેલે પોલીસને કરી હતી. માંડવી પોલીસે આ અંગે અકસ્માત મૃત્યુની ફરિયાદ નોંધીને તપાસ શરૂ કરી છે. તપાસની જવાબદારી હેડ ( કોન્સ્ટેબલ મુકેશભાઈ ધુલજીભાઈને સોંપવામાં આવી છે.




લાઈક અને ફોલો કરો અમારું ફેસબુક પેજ FACEBOOK - TAPIMITRA


સબસ્ક્રાઈબ કરો યૂ ટ્યૂબ ચેનલ YOUTUBE - TAPIMITRA


મહત્વના સમાચારો આપના મોબાઇલના વોટ્સ એપમાં મેળવવા માટે જોડાઓ અમારા વોટ્સ એપ ગ્રૂપમાં.  78200 92500  

View News On Application