મનિષા એસ. સુર્યવંશી/તાપી : વ્યારાનાં ઉંચામાળા ગામનાં અણુમાલા ટાઉનશીપની મેઈન ગેટની બહાર અણુમાલાથી ઉંચામાળા ત્રણ રસ્તા પાસે રસ્તો ક્રોસ કરતી મહિલા બાઈક અડફેટે આવતાં મહિલાને ઈજા પહોંચી હતી. જયારે આ અકસ્માતમાં બાઈક ચાલકને પણ શરીરે નાની મોટી ઈજા પહોંચી હતી.

મળતી માહિતી મુજબ, સોનગઢ તાલુકાનાં આમલી ગામનાં કોતડ ફળિયામાં રહેતા રેખાબેન રમેશભાઈ ગામીત (ઉ.વ.૩૯)નાંઓ ગત તારીખ ૨૨/૧૦/૨૦૨૪નાં રોજ ઉંચામાળા ગામનાં અણુમાલા ટાઉનશીપની મેઈનની બહાર અણુમાલાથી ઉંચામાળા ત્રણ રસ્તા પાસે રસ્તો ક્રોસ કરવા જતા હતા તે સમયે બાઈક નંબર જીજે/૨૬/એસ/૨૫૭૨નો ચાલક આશિષ અશોકભાઈ ગામીત (રહે.ચીખલી ભેંસરોટ ગામ, તા.સોનગઢ)નો પોતાના કબ્જાની બાઈક પુર ઝડપે અને ગફલતભરી રીતે હંકારી લાવી રસ્તો ક્રોસ કરતા રેખાબેનને અડફેટેમાં લીધી હતી જોકે આ અકસ્માતમાં રેખાબેનને જમણા પગમાં ઘૂંટણની નીચે ફ્રેકચર તથા જમણા કોણીની નીચે ફ્રેકચર તેમજ માથામાં ડાબી બાજુ ઈજા પહોંચી હતી, જયારે બાઈક ચાલક આશિષને શરીરે નાની-મોટી ઈજા પહોંચી હતી. બનાવ અંગે રેખાબેનએ તારીખ ૨૩/૧૦/૨૦૨૪નાં રોજ કાકરાપાર પોલીસ મથકે બાઈક ચાલક સામે ગુનો નોંધાવતા પોલીસે ગુનો નોંધી કાયદેસરની કાર્યવાહી હાથ ધરી હતી.