વલસાડનાં માલવણ ગામે ખારવા પટેલ ફળિયામાં રહેતાં વનિતાબેન પટેલ તેમના પતિ પ્રવિણ પટેલ સાથે બાઇક પર બેસી તેમના પૌત્રને વલસાડની હોસ્પિટલમાં તબિયતની ખબર લેવા માટે ઘરેથી નીકળ્યા બાદ વલસાડથી તેઓ સાંજે પરત થતા હતા અને પ્રવિણભાઇ બાઇક હંકારી રહ્યા હતા. તે સમયે ધરાસણા કોસ્ટલ હાઇવે પર સ્વામીનારાયણ મંદિર સામેથી રોંગ સાઇડેથી એક યુવાન બાઇક ચાલકે પુરઝડપે ધસી આવી દંપતિની બાઇકને ટક્કર મારતાં બંને રોડ પર પટકાયા હતા. જોકે પતિ પ્રવિણભાઇ બેભાન હાલતમાં ડુંગરી વૈદ્ય હોસ્પિટલમાં અને ત્યાંથી કસ્તુરબા વલસાડમાં દાખલ કર્યા બાદ સુરત સારવાર માટે લઇ જવાયા હતા. પરંતું ત્યારબાદ તેમને વલસાડ સિવિલમાં દાખલ કરાયા જ્યાં ગત તા.1નાં રોજ રાત્રે મોત નીપજ્યું હતું.