વાપી ચલા સ્થિત સુર્યવંશી મેગા સ્ટોરમાં શનિવારે રાત્રે અચાનક આગ ફાટી નીકળતા બનાવ અંગે ટાઉન ફાયર વિભાગને જાણ કરાઇ હતી. જેથી ફાયરની ટીમ રાતના 10.45 કલાકે તાત્કાલિક ઘટના સ્થળે પહોંચી હતી અને આગ ઉપર કાબૂ મેળવવા પ્રયાસો હાથ ધરાયા હતા. આશરે એકથી દોઢ કલાકમાં આગ ઉપર કાબૂ મેળવી લીધા બાદ તપાસમાં આ આગ સ્ટોરમાં શોર્ટ સર્કિટનાં કારણે હોવાનું બહાર આવ્યું હતું. જોકે આગને લઇ અંદર રાખેલા સામાનો બળીને ખાક થઇ ગયા હતા. જયારે સ્ટોર બંધ હોવાથી કોઇ પણ પ્રકારની જાનહાનિ થઇ ન હતી અને આગથી દુકાનમાં રાખવામાં આવેલો સામાન અને ફનિચરને નુકસાન થયું હતું.