વ્યારાનાં તાડકુવા ગામની સીમમાંથી પસાર થતા નંદુરબારથી સુરત તરફ જતા રેલવે ટ્રેકની બાજુમાંથી અજાણ્યાનો મૃતદેહ મળી આવ્યો હતો. આશરે ૪૫થી ૫૦ વર્ષીય અજાણ્યો શખ્સ કોઇ આવતી-જતી ટ્રેનમાંથી કોઇ કારણસર આકસ્મિક રીતે પડી જતા જેને માથાના ભાગે તથા પગના ભાગે ગંભીર ઇજા તેમજ શરીરે નાની-મોટી ઇજા થવાથી સ્થળ ઉપર મોત થયું હતું. ઘટનાની જાણ રેલવે પોલીસ વિભાગના ઓમપ્રકાશ રામનંદન કામતે કાકરાપાર પોલીસ મથકે કરી હતી.