વલસાડનાં નનવાડા સ્થિત સિવિલ હોસ્પિટલ સામે આવેલ જીવનનષર સોસાયટીના પ્લોટ નંબર 12/15માં રહેતા નરેશભાઈ સજ્જનભાઈ પાટીલ(ઉ.વ.56)નાઓ વલસાડની સિવિલ હોસ્પિટલ સામે પાટીલ મેડિકલ સ્ટોરનું સંચાલન કરતા હતા. જોકે રાત્રીનાં સમયે નરેશભાઈ તેમના રૂમમાં સુવા માટે ગયા હતા.

ત્યારબાદ તેમની પત્ની પ્રતિભાબેન બેડરૂમમાં ગયા હતા પરંતુ પતિ નરેશભાઈ હલનચલન નહીં કરતા પ્રતિભાબેનએ આ બાબતે પુત્ર હર્ષ અને પુત્રવધુને જાણ કરી હતી જે બાદ પરિવારના સભ્યો નરેશભાઈને સારવાર માટે વલસાડની ઝેનીથ ડોક્ટર હાઉસમાં લઈ ગયા હતા જ્યાં ફરજ પરના તબીબે નરેશભાઈને મૃત જાહેર કર્યા હતા. આમ, પોલીસે અકસ્માત મોત મુજબ ગુનો નોંધી વધુ તપાસ હાથ કરી હતી. જયારે વધુમાં જાણવા મળ્યું હતું કે, નરેશભાઈ છેલ્લા કેટલાક સમયથી ગેસની બીમારીમાં સપડાયા હતા અને તેમની સારવાર પણ ચાલુ હતી તેમજ નરેશભાઈનું હૃદય રોષનાં હુમલાથી મોત થયું હોવાની શક્યતા દર્શાવવામાં આવી રહી છે.