વ્યારા નવી પોલીસ લાઈનમાં રહેતા એક મહિલા એ.એસ.આઈ. જયશ્રીબેન પટેલનું ઘરના સોફા ઉપર મૃત હાલતમાં મૃતદેહ મળી આવતા પોલીસ પરિવારમાં ગમગીન છવાઈ ગઈ હતી. સૂત્રો પાસેથી મળતી માહિતી મુજબ, તાપી જિલ્લામાં 181 મહિલા હેલ્પલાઇનમાં વુ.એ.એસ.આઈ. તરીકે ફરજ બજાવતા જયશ્રીબેન કીકુભાઈ પટેલ (ઉ.વ.52)નો મૃતદેહ તેમના જ ઘરમાંથી મળી આવતા પંથકમાં ચકચાર મચી ગઈ હતી. વ્યારા નવી પોલીસ લાઈનમાં B-4, રૂમ નંબર-148માં રહેતા જયશ્રીબેન પટેલ પોતાના ઘરમાં બેઠક રૂમમાં મુકેલ સોફા ઉપર કોઈક અગમ્ય કારણસર મૃત હાલતમાં મળી આવ્યા હતા. ઘટના અંગે વ્યારા પોલીસ મથકે જગદીશભાઈ શાંતારામભાઈ પાટિલે જાણ કરી હતી. જોકે અચાનક મહિલા એ.એસ.આઈ.નાં નિધનને લઈ પોલીસ પરિવારમાં તેમજ પરિવારજનોમાં શોક છવાઈ ગયો હતો.