મનિષા એસ. સુર્યવંશી/તાપી : તાપી જિલ્લાનાં કાકરાપાર પોલીસ સ્ટેશનમાં સ્ટેટ વિજીલન્સ દ્વારા કરેલ  પ્રોહીબીશનનાં ગુન્હામાં નાસતો ફરતો વોન્ટેડ આરોપીને સોનગઢનાં હાથી ફળિયામાંથી ઝડપી પાડી કાયદેસરની કાર્યવાહી હાથ ધરવામાં આવી હતી. મળતી માહિતી મુજબ, તાપી એલ.સી.બી તથા પેરોલ ફર્લો સ્કોર્ડ તાપી પોલીસ સ્ટાફનાં માણસો આજરોજ સોનગઢ પોલીસ સ્ટેશન વિસ્તારમાં પેટ્રોલીંગમાં હતા. તે દરમિયાન મળેલ બાતમીનાં આધારે, કાકરાપાર પોલીસ સ્ટેશનનાં પ્રોહીબીશનનાં ગુન્હામાં નાસતો ફરતો વોન્ટેડ આરોપીને સોનગઢનાં હાથી ફળિયામાંથી દીપેશ શંકરભાઈ રાઠોડ (ઉ.વ.32., રહે.હાથી ફળિયું, સોનગઢ)ને ઝડપી પાડી આગળની વધુ કાર્યવાહી હાથ ધરવામાં આવી હતી.