સુરત જિલ્લાનાં કીમ નજીક બોલાવ ગામે ખેડૂત પરિવાર ઉપરના માળે સૂતેલો હોય જેનો લાભ લઈ અજાણ્યા તસ્કરો નીચેના રૂમમાંથી ૧.૮૫ લાખની કિંમતનાં સોના-ચાંદીનાં ઘરેણાંની ચોરી કરી જતા ચકચાર મચી ગઇ હતી.

મળતી માહિતી મુજબ, કીમ પોલીસની હદમાં આવેલા બોલાવ ગામે રહેતા ખેડૂત નરેન્દ્રસિંહ કિશનસિંહ વરાછીયા ખેતી કરે છે. ગત મોડી રાત્રે ખેડૂત પરિવાર મકાનના ઉપરના માળે સૂતો હતો. તે દરમિયાન તસ્કરોએ મકાનનાં પાછળનાં ભાગે કાચની બારી કોઈ સાધન વડે ખોલી ઘરની અંદર પ્રવેશી નીચેના રૂમમાં બેડરૂમમાં મૂકેલા લાકડાના કબાટનું ડ્રોઅર લોક કોઈ સાધન વડે ખોલી તેમાં મૂકેલા ખેડૂતની દીકરીનાં લગ્ન સમયે ભેટ સોગાતમાં મળેલા દાગીના સહિત કુલ ૧૮,૫૫૧૯ રૂપિયાના સોના-ચાંદીના દાગીના તસ્કર ચોરી કરી ફરાર થઈ ગયા હતા. ચોરીની ફરિયાદ ખેડૂતે કીમ પોલીસ મથકે નોંધાવી હતી.