મનિષા એસ. સુર્યવંશી/તાપી : વ્યારા સરકારી કવાટર્સ યુનિટ-3 રૂમ નંબર-1 પોલીસ સ્ટેશન પાછળથી દિન દહાડે ઘરની સામે પાર્ક કરેલ બાઈક ચોરી થઈ જતાં બાઈક ચોરી અંગેની ફરિયાદ નોંધાવતા પોલીસે આગળની વધુ તપાસ હાથ ધરી હતી.

મળતી માહિતી મુજબ, વ્યારા સરકારી કવાટર્સ યુનિટ-3 રૂમ નંબર-1 પોલીસ સ્ટેશન પાછળ રહેતા ઝીયાઉદ્દિન ગુલામહુસેન અબજી તેઓ ગત તારીખ 29/10/2023નાં રોજ સાંજના પાંચ વાગ્યાના અરસામાં બજારમાં ગયા હતા અને બજારમાંથી કરિયાણું ખરીદી સાડા પાંચ વાગે ઘરે આવ્યા હતા અને બાઈક નંબર GJ/19/BF/2186ને ઘરની સામે જ પાર્ક કરી ચાવી બાઈકમાં જ રહેવા દીધી હતી. તેમજ થોડીવાર બાદ તેઓ બહાર આવતાં પાર્ક કરેલ બાઈક તે જગ્યા ઉપર ના દેખાતા આજુબાજુમાં જોતા તેમજ પાડોશીઓ અને ઓળખીતા લોકોને પૂછી જોઈ તેમ છતાં બાઈક મળી આવી ના હતી. આમ, પાર્ક કરેલી બાઈક જેની કિંમત રૂપિયા 25,000/- છે તે કોઈ અજાણ્યો ચોર ઈસમ ચોરી કરી ફરાર થઈ ગયો હતો. ચોરી અંગે ઝીયાઉદ્દિનભાઈનાં પુત્ર સાકીદ ઝીયાઉદ્દિન અબજી નાએ તારીખ 08/11/2023નાં રોજ E-fir આપતા વ્યારા પોલીસે ગુનો નોંધી આગળની વધુ તપાસ હાથ ધરી હતી.