મનિષા એસ. સુર્યવંશી/વ્યારા : નિઝરનાં જુના આશ્રવા ગામે ખેતરમાંથી એક ઈસમનો મૃતદેહ મળી આવતાં પોલીસે આગળની વધુ તપાસ હાથ ધરી છે. મળતી માહિતી મુજબ, મૂળ મહારાષ્ટ્રનાં નંદુરબાર તલોદા તાલુકાનાં ડીબી હાટી ખાતે રહેતા પુંડલીકભાઈ જમાભાઇ પાડવી (ઉ.વ.46) નાઓનાં બંને દીકરાઓ સૌરાષ્ટ્ર વિસ્તારમાં મજૂરી કામ અર્થે ગયા છે અને પુંડલીકભાઈથી મજૂરી કામ થતું ન હોવાથી પુંડલીકભાઈ પોતાના સગા સંબંધીઓના ઘરે જ જમી લેતા હતા અને ઘરે આરામ કરતા હતા.

પરંતુ ગતરોજ સવારનાં આશરે આઠેક વાગ્યાથી પુંડલીકભાઈ તેમના ઘરે તથા ફળિયામાં હાજર મળી આવ્યા ન હતા. પરંતુ સાંજનાં આશરે સાત વાગ્યાનાં અરસામાં પુંડલીકભાઈનો મૃતદેહ જુના આશ્રવા ગામનાં કૈલાશભાઈ દશરથભાઈ પાટીલ નાઓના સર્વે નંબર-38 પૈકી 1 વાળા ડુબાણવાળા ખેતરનાં શેઢા ઉપરથી મળી આવ્યો હતો. બનાવ અંગે નિઝર પોલીસ મથકે રણજીતભાઈ રમણભાઈ પાડવી નાની ફરિયાદનાં આધારે પોલીસે ગુનો નોંધી તપાસ શરૂ કરી હતી.