મનિષા એસ. સુર્યવંશી/તાપી : ઉચ્છલનાં સરકારી હોસ્પિટલનાં કમ્પાઉન્ડમાં પાર્ક કરેલી બાઈકનું સ્ટેરીંગ હેન્ડલનું લોક તોડી બાઈક ચોરી કરનાર ચોર ઈસમ વિરુદ્ધ ગુનો નોંધવામાં આવ્યો છે. મળતી માહિતી મુજબ, ઉચ્છલ તાલુકાનાં મોહિની ગામનાં નિશાળ ફળિયામાં રહેતા પ્રતિકભાઇ નારણભાઈ વસાવા (ઉ.વ.29) નાઓ ગત તારીખ 19/06/2023નાં રોજ 11 વાગ્યાથી 12 વાગ્યાનાં સમયગાળા દરમિયાન ઉચ્છલ મોટીબેન દીપિકાબેનને સારવાર માટે હોસ્પિટલમાં અંદર લઈ ગયા હતા.

તે દરમિયાન ઉચ્છલ સરકારી હોસ્પિટલનાં કમ્પાઉન્ડમાં પાર્ક કરેલી બાઈક નંબર GJ/26/L/0737 જેની કિંમત આશરે રૂપિયા 20,000/-ની કોઈ અજાણ્યો ચોર ઈસમ કોઈએક રીતે સ્ટેરીંગ હેન્ડલનું લોક તોડી બાઈક ચોરી કરી ફરાર થઈ ગયો હતો. બનાવ અંગે પ્રતિકભાઈ વસાવાએ તારીખ 02/07/2023નાં રોજ ઉચ્છલ પોલીસે મથકે અજાણ્યા બાઈક ચોર વિરુદ્ધ  ગુનો નોંધાવતા પોલીસે ગુનો નોંધી આગળની વધુ તપાસ હાથ ધરી છે.