મનિષા એસ. સુર્યવંશી/વ્યારા : સોનગઢનાં હિંદલા ગામનાં સીમમાં આવેલ દેવમોગરા માતાનાં મંદિર નજીક આવેલ રોડનાં વળાંકનાં પુલીયા પાસે સ્ટેરીંગ પરથી કાબુ ગુમાવતાં મોટરસાઈકલ પુલીયા પરથી નીચે પડતા ચાલકનું ગંભીર ઈજાને કારણે મોત નીપજ્યું હતું. મળતી માહિતી મુજબ, સોનગઢ તાલુકાનાં હિંદલા ગામનાં સીમમાં આવેલ દેવમોગરા માતાનાં મંદિર નજીક આવેલ રોડનાં વળાંકનાં પુલીયા પાસે પિંન્ટુભાઇ ગમાભાઈ વસાવા (ઉ.વ.32, રહે.હિંદલા ગામ, દાદરી ફળિયું, સોનગઢ) નાએ સોમવારનાં રોજ પસાર થઈ રહ્યા હતા.

તે સમયે પોતાના કબ્જાની કાળા કલરની યુનિકોન મોટરસાયકલ નંબર GJ/19/AG/9655ને પૂરઝડપે અને ગફલતભરી રીતે હંકારી જઈ સ્ટેરીંગ પરનો કાબુ ગુમાવતા મોટરસાયકલ સ્લીપ ખાઈ  પુલીયા નીચે જતા પિંન્ટુભાઇનાં માથાનાં ભાગે તથા મોઢાનાં ભાગે તેમજ પેટનાં ભાગે ગંભીર ઈજાઓ પહોંચતા સ્થળ ઉપર મોત નીપજ્યું હતું. બનાવ અંગે પોલીસે ગુનો દાખલ કરી કાર્યવાહી હાથ ધરી હતી.