મનિષા એસ. સુર્યવંશી/તાપી : વ્યારાનાં કરંજવેલ ગામનાં બાલપુર પાટીયા પાસેનાં ચિકનની દુકાનમાંથી ઇંગ્લિશ દારૂનો જથ્થો મળી આવ્યો હતો. મળતી માહિતી મુજબ, વ્યારા પોલીસ સ્ટાફનાં માણસો ખાનગી વાહનમાં બેસી વ્યારા પોલીસ સ્ટેશન વિસ્તારમાં પ્રોહી. ગુનાની રેડમાં નીકળેલ હતા. તે દરમિયાન ફરતા ફરતા કરંજવેલ ગામનાં બાલપુર પાટીયા પાસે આવતા ચિકનની દુકાન ચલાવતો પ્રોહી. લિસ્ટેડ બુટલેગર પ્રિયજ ઉર્ફે પિયુષ મોતીસિંગભાઈ ગામીતની દુકાન ઉપર પ્રોહી. મુદ્દામાલ અંગે રેઈડ કરી હતી જ્યાં પ્રિયજ ઉર્ફે પિયુષ મોતીસિંગભાઈ ગામીતની ઉપસ્થિત ન હતો. જોકે પોલીસે દુકાનની આજુબાજુમાં તથા ઝાડી જંગલ હોય જેથી દુકાનની પાછળનાં ભાગેથી ઝાડીમાં કાળા કલરની કોથળીમાંથી ભારતીય બનાવટની અલગ અલગ બ્રાન્ડની ઇંગ્લિશ દારૂની કુલ 74 નંગ બોટલો મળી આવી હતી. બનાવ અંગે પોલીસ કર્મચારીની ફરિયાદના આધારે પ્રિયજ ઉર્ફે પિયુષને વોન્ટેડ જાહેર કરી આગળની કાર્યવાહી હાથ ધરી હતી.