વ્યારા નગરનાં એમ.બી. પાર્ક સોસાયટી પાસે પુલ ઉપરથી આકસ્મિત રીતે નાળાનાં પાણીમાં પટકાઈ જતાં 52 વર્ષિય ઈસમનું ડૂબી જવાથી મોત નિપજ્યું હતું. મળતી માહિતી મુજબ, વ્યારા નગરનાં એમ.બી. પાર્ક સોસાયટીમાં રહેતા સતિષભાઈ શાંતિલાલ સોની નાઓ ગત તારીખ 21/06/2023થી 22/06/2023ના 8:45 કલાકનાં અરસામાં હરકોઈ વખતે એમ.બી. પાર્ક સોસાયટીનાં ગેટ પાસે આવેલ પુલ ઉપરથી નાળાનાં પાણીમાં પડી જતાં જેઓને માથામાં ઇજા થવા સાથે પાણીમાં ડૂબી જવાથી તેમનું મોત નીપજ્યું હતું. બનાવ અંગે મૃતકનાં પત્ની સંધ્યાબેન સતિષભાઈ સોનીએ વ્યારા પોલીસ મથકે ફરિયાદ કરતા પોલીસે આગળની વધુ તપાસ હાથ ધરી હતી.