મનિષા એસ. સુર્યવંશી/તાપી : સોનગઢનાં મોઘવાણ ગામે મહિલાને શરીરે હાથ ફેરવીને બળજબરી કરવાની કોશિશ અને છેડતી કરનાર ઈસમ વિરુદ્ધ ગુનો દાખલ કરવામાં આવ્યો હતો. મળતી માહિતી મુજબ, સોનગઢ તાલુકાનાં મોઘવાણ ગામનાં પટેલ ફળિયામાં રહેતી 38 વર્ષીય મહિલા અરૂણાબેન સંદીપભાઈ ગામીત નાઓ ગત તારીખ 05/07/2023નાં રોજ રાત્રે 11.45 સમયગાળા દરમિયાન તેમના ઘરે રૂમમાં એકલા સુતેલા હતા.

તે સમયે દેવીદાસભાઈ હસમુખભાઈ ગામીત (રહે.મોઘવાણ ગામ, બ્રાહ્મણ ફળિયું, સોનગઢ)નાંઓ બારી ખોલી ઘરનાં રૂમમાં પ્રવેશ કરી અરુણાબેન પાસે જઈ બદઈરાદો રાખી અરૂણાબેનને પકડીને ઊંઘમાંથી ઉઠાડીને તેમજ શરીરે હાથ ફેરવીને બળજબરી કરવાની કોશિશ અને છેડતી કરી હતી. બનાવ અંગે મહિલાએ તારીખ 07/07/2023નાં રોજ દેવીદાસ ગામીત વિરુદ્ધ સોનગઢ પોલીસ મથકે ફરિયાદ નોંધાવી હતી.