મનિષા સુર્યવંશી/વ્યારા : સોનગઢનાં દોણ ગામનાં એક ઘરની પાછળ આવેલ પજારીનાં ભાગેથી ઈંગ્લીશ દારૂનાં મુદ્દામાલ સાથે એક ઈસમને પોલીસે ઝડપી પાડી કાયદેસરની કાર્યવાહી હાથ ધરી હતી. મળતી માહિતી મુજબ, તાપી પ્રોહી. સ્કોડ પોલીસ સ્ટાફનાં માણસો ગુરુવારનાં રોજ સાંજે ખાનગી વાહનમાં બેસી સોનગઢ પોલીસ સ્ટેશન વિસ્તારમાં પેટ્રોલીગમાં હતા.

તે દરમિયાન ખાનગી રાહે બાતમી મળી હતી કે, દોણ ગામનાં દાદરીમાં એક લિસ્ટેડ બુટલેગર પોતાના ઘરે ચોરી છુપીથી દારૂનું વેચાણ કરે છે. જે બાતમીનાં આધારે પોલીસ સ્ટાફનાં માણસો દોણ ગામનાં દાદરી ફળિયા ખાતે આવતાં એક ઈસમ હાજર મળી આવતાં પોલીસે તેનું નામ પૂછતા તેણે પોતાનું નામ, ભીમસીંગભાઈ સરધીયાભાઈ ગામીત (ઉ.વ.41, રહે.દોણ ગામ, દાદરી ફળિયું, સોનગઢ)ના હોવાનું જણાવ્યું હતું.

ત્યારબાદ પોલીસે ઘરમાં તેમજ ઘરની પાછળ આવેલ પજારીનાં ભાગે તપાસ કરતા એક પ્લાસ્ટિકનાં મીણીયા કોથળામાં ઈંગ્લીશ દારૂની બોટલો મળી અવી હતી. બનાવ અંગે પકડાયેલા બુટલેગર વિરુદ્ધ ગુનો નોંધી કાર્યવાહી હાથ ધરી હતી.