મનિષા એસ. સુર્યવંશી/તાપી : તાપી જિલ્લાનાં ઉચ્છલ પોલીસ સ્ટેશનનાં પ્રોહીબીશનનાં ગુન્હામાં નાસતો ફરતો વોન્ટેડ આરોપીને વાપી ટાઉન કોળીવાડ કિશાન ટ્રાન્સપોર્ટ સામેથી ઝડપી પાડી કાયદેસરની કાર્યવાહી હાથ ધરવામાં આવી હતી. મળતી માહિતી મુજબ, તાપી એલ.સી.બી તથા પેરોલ ફર્લો સ્કોર્ડ તાપી પોલીસ સ્ટાફનાં માણસો આજરોજ વોન્ટેડ આરોપીને તપાસ કરવા માટે વલસાડ જિલ્લાનાં વાપી ગયા હતા. તે દરમિયાન મળેલ બાતમીનાં આધારે, વાપી ટાઉન કોળીવાડ કિશાન ટ્રાન્સપોર્ટ સામેથી ઉચ્છલ પોલીસ સ્ટેશનનાં પ્રોહીબીશનનાં ગુન્હામાં નાસતો ફરતો વોન્ટેડ આરોપી મંગેશ ઉર્ફે ચેતન વિજયભાઈ પાટિલ (રહે.હનુમંત ખેડી, થાના, પારોળા, જિ.જલગાંવ)ને ઝડપી પાડી આગળની વધુ કાર્યવાહી માટે ઉચ્છલ પોલીસ મથકે સોંપવામાં આવ્યો હતો.