મનિષા સુર્યવંશી/વ્યારા : કુકરમુંડા તાલુકાનાં ચોખીઆમલી ગામમાં રહેતા મયુરીબેન રામસીંગભાઇ પાડવી જેઓ પોતાના માસી સાથે રહે છે જેથી મયુરીબેનનો ભાઈ નરેશભાઇ મળવા આવતા મયુરીબેન તથા તેમના માસી ઘરનાં બહાર ઉભા રહી વાતો કરી રહ્યા હતા. તે સમયે મયુરીબેનનો મામાનો દિકરો ફતેસિંગભાઇ સુરપસિંગભાઇ વળવી (રહે.ચોખીઆમલી ગામ, કુકરમુંડા) નાઓ આવીને મયુરીબેનનાં માસીને કહ્યું કે “આ મકાન તથા તેના બાજુની જગ્યા માર બાપની છે તે અત્યારે જ ખાલી કર” તેમ કહી બોલાચાલી કરવા લાગ્યા હતા.

તે દરમિયાન છોડાવવા માટે નરેશભાઇ વચ્ચે પડતા નરેશભાઇને નીચે પાડી દઈ અને ઇંટ હાથમાં પકડી ઝડબાના ભાગે તથા જમણી આંખ ઉપર ઘા મારી દઈ ગંભીર ઇજાઓ પોંહચાડી હતી અને જાનથી મારી નાંખવાની ધમકી પણ આપી હતી. બનાવ અંગે નિઝર પોલીસે ગતરોજ મયુરીબેન પાડવીની ફરિયાદનાં આધારે ફતેસિંગ વળવી વિરુદ્દ્ધ ગુનો નોંધી કાયદેસરની કાર્યવાહી હાથ ધરી હતી.