મનિષા એસ. સુર્યવંશી/તાપી : નિઝર તાલુકાનાં પિપલોદ ગામનાં સીમમાં બુધવારનાં રોજ શરદભાઈ ભરતભાઈ વળવી પોતાના કબ્જાની બાઈક નંબર MH/18/S/7138ને લઈ પસાર થતાં હતા તે સમયે એક અજાણ્યા વાહન ચાલકે પોતાના કબ્જાનું વાહન પુરઝડપે અને ગફલતભરી રીતે હંકારી લાવી બાઈક ચાલક શરદભાઈને અડફેટે લેતાં અકસ્માત સર્જ્યો હતો. જયારે આ અકસ્માતમાં શરદભાઈને ગંભીર ઈજાઓ પહોંચતા મોત નિપજ્યું હતું. બનાવ અંગે ઈશ્વરભાઈ ગુલુભાઈ ઠાકરે (રહે.પિપલોદ ગામ, નિઝર)ની ફરિયાદનાં આધારે નિઝર પોલીસે ફરાર થયેલ અજાણ્યા વાહન ચાલક સામે ગુનો નોંધી તપાસ હાથ ધરી હતી.