સોનગઢનાં કનાળા ગામની સીમમા મીંઢોળા નદી ઉપર આવેલ પુલ નીચે જુગાર રમતા 6 જુગારીઓને પોલીસે રૂપિયા 89,280/-નાં મુદ્દામાલ સાથે ઝડપી પાડી કાર્યવાહી હાથ ધરી હતી. મળતી માહિતી મુજબ, તાપી L.C.B. તથા પોલીસ સ્ટાફના માણસો ઉકાઇ પોલીસ સ્ટેશન વિસ્તારમાં પેટ્રોલિંગમાં હતા. તે સમય દરમિયાન પોલીસ સ્ટાફને સંયુક્ત રીતે ખાનગી રાહે બાતમી મળી હતી કે, સોનગઢનાં કનાળા ગામની સીમમા મીંઢોળા નદી ઉપર આવેલ પુલ નીચે પુલના વચ્ચેના ભાગેના પીલરની બાજુમાં ખુલ્લામાં કેટલાક જુગારીઓ પૈસા વડે જુગાર રમે છે.

જે બાતમી આધારે પોલિસ સ્ટાફના માણસોએ બાતમીવાળી જગ્યાએ જઈ રેઈડ કરતા સ્થળ ઉપરથી જુગાર રમતા 6 જુગારીઓને  જાહેરમાં પૈસા વડે પાનાવત્તીનો જુગાર રમતા ઝડપી પાડી કાર્યવાહી હાથ ધરી હતી. ત્યારબાદ પોલીસે સ્થળ ઉપરથી દાવ પરના રોકડા રૂપિયા તેમજ 4 નંગ મોબાઇલ તથા 3 બાઈક મળી કુલ રૂપિયા 89,280/-નો મુદ્દામાલ કબ્જે કરી ઝડપાયેલ તમામ વિરુદ્ધ જુગાર ધારાની કલમ હેઠળ ગુનો નોંધી કાયદેસરની કાર્યવાહી હાથ ધરી હતી.

જુગાર રમતા ઝડપાયેલ જુગારીઓ...

1.નરેશભાઇ ભુલજીભાઇ ગામીત,

2.સુલતાનભાઇ ઉકાજીભાઇ ગામીત,

3.ઇશ્વરરભાઇ ઉર્ફે પોસલાભાઇ દુકાડીયાભાઇ ગામીત,

4.રામસીંગભાઇ નરોત્તમભાઇ ગામીત,

5.સુરેશભાઇ ચંપકભાઇ ગામીત અને

6.કમલેશભાઇ હીરાભાઇ ગામીત.