મનિષા સુર્યવંશી/વ્યારા : સોનગઢ તાલુકાનાં ચીમકુવા ગામમાંથી દેશી દારૂ તથા ગોળ મહુડા વોશનાં રસાયણ સાથે એક મહિલાને ઝડપી પાડી કાયદેસરની કાર્યવાહી હાથ ધરવામાં આવી હતી. મળતી માહિતી મુજબ, પ્રોહી. સ્કોડ તાપી પોલીસ સ્ટાફનાં માણસો શનિવારનાં રોજ મોડી સાંજે ખાનગી વાહનમાં બેસી સોનગઢ પોલીસ સ્ટેશન વિસ્તારમાં પ્રોહી અંગેની રેડમાં નીકળ્યા હતા.

તે દરમિયાન મળેલ બાતમીનાં આધારે સોનગઢનાં ચીમકુવા ગામના, પટેલ ફળિયામાં રહેતી સુલાબેન રવિશભાઈ ગામીતનાં ઘરેથી વગર પાસ પરમીટે દેશી દારૂ ગોળ-પાણીનો વોશ અને મહુડાનો-વોશ (રસાયણ)નાં મુદ્દામાલ સાથે સુલાબેન ગામીતને પોલીસ રેડમાં ઝડપી પાડવામાં આવી હતી. બનાવ અંગે પોલીસ કોન્સ્ટેબલ જગદીશભાઈ બિશ્નોની ફરિયાદનાં આધારે દેશી દારૂ અને ગોળ મહુડાનો-વોશ બનાવવાના રસાયણ સાથે ઝડપાયેલ મહિલા વિરુધ્ધ ગુનો નોંધી કાયદેસરની કાર્યવાહી હાથ ધરવામાં આવી હતી.