વ્યારા નગરમાં પગપાળા જઈ રહેલા શિક્ષકને અડફેટમાં લઈ મોત નિપજાવનાર ખાનગી લકઝરી બસ ચાલક વિરૂધ્ધ બસને અચાનક બ્રેક મારી એક મહિલા પેસેન્જર ઈજા પોહચડી દેવાના પગલે ગતરોજ વાલોડમાં પણ બસ ચાલક ગુનો નોંધાયો હતો. બનાવની વિગત એવી છે કે, વ્યારાનાં જે.બી.હાઇસ્કુલનાં શિક્ષક કમ સુપરવાઈઝર વનેશભાઇ ચેતનભાઇ ઢોડીયા પટેલએ ગત તા.2નાં રોજ નિત્યક્રમ મુજબ રોજ ચાલવા માટે નિકળ્યા હતા.

​

તે સમયે નહેરથી મિશનનાકા તરફ આવતા સાંજે 7.15 કલાકે અરસામાં વ્યારા મિશનનાકા પાસે ખાનગી લક્ઝરી બસ નંબર GJ/02/VV/9206નાં ચાલક યોગેશ સુખા ચૌધરી (રહે.કુંભીયા ગામ તા.વાલોડ)એ યુ-ટર્ન લેતા આ શિક્ષકને અડફેટમાં લીધા હતા અને શિક્ષકનું મોત નિપજ્યું હતું.

ત્યારબાદ બસ ચાલકે અગાઉ તા.26/9/22નાં રોજ સાંજે 6.15 કલાકે વાલોડ તાલુકાનાં બાજીપુરા ગામેથી પસાર થતાં સુમુલ ડેરી તરફ જતા માર્ગે ડિવાઈડર ચઢાવી અચાનક બ્રેક મારતા બસમાં બેઠેલા મનિષા પાટીલ (બારડોલી) તથા અન્ય પેસેંજરો બસમાં અથડાઇને પડ્યા હતા. જેમાં મનિષાને જમણા હાથનાં અંગુઠામાં ફેક્ચર અને શરીરે ઇજા થઈ હતી. બનાવ અંગે પોલીસે મથકે ફરિયાદ નોંધાઈ હતી.