બારડોલીનાં ખોજ પારડી ગામ પાસે અજાણ્યા બાઈક ચાલકે અડફેટે લેતા રાહદારીનું સારવાર દરમિયાન મોત નીપજયું હતું. મળતી માહિતી અનુસાર, બારડોલી તાલુકાનાં ખોજ પારડી ગામનાં લીમડાચોક ફળીયામાં રહેતા પ્રફુલભાઈ મગનભાઇ પંચાલ શુક્રવારે સાંજે ચાલવા નીકળ્યા હતા. ત્યારે ખોજ ગામના તળાવ પાસે કોઈ અજાણ્યા બાઈક ચાલકે તેમને ટક્કર મારી દેતાં તેઓ નીચે પટકાયા હતા.

જોકે ગંભીર ઇજા થતાં સારવાર અર્થે બારડોલીની સરદાર સ્મારક હોસ્પિટલ બાદ ત્યાંથી સુરતની નવી સિવિલ હોસ્પિટલમાં ખસેડવામાં આવ્યા હતા. જ્યાં સારવાર દરમિયાન તેમનું મોત થતાં બારડોલી ગ્રામ્ય પોલીસે ગુનો નોંધી આગળની તપાસ હાથ ધરી હતી.