બારડોલીનાં ઝવેરી મહોલ્લામાં તસ્કરોએ શ્રી નાથજી આઈસ્ક્રીમ વાળાનાં બંધ ઘરને નીશાન બનાવી રોકડ સહિત સોના ચાંદીના ઘરેણા ચોરી નાસી ગયા હતા. સુત્રો પાસેથી મળતી માહિતી મુજબ, બારડોલીનાં ઝવેરી મહોલ્લામાં રહેતા શ્રી નાથજી આઈસ્ક્રીમવાળા ડુંગરસિંહ કિશનસિંહ રાજપુત પોતાના પરિવારનાં સભ્યો સાથે મુળ વતન રાજસ્થાનમાં લગ્ન પ્રસંગ ગયા હતા.આ દરમિયાન રાત્રિનાં સમયે તસ્કરોએ ડુંગરસિંહના મકાનને નીશાન બનાવ્યું હતું.

ઘરના આગળના દરવાજા નકુચા તાળા તોડી તસ્કરો ઘરમાં ઘુસીને ત્રણ કબાટ તોડી તેમાં મુકેલ રૂપિયા 50 હજાર રોકડા, એક સોનાની ચેઈન અને ચાંદીના ઘરેણા ઉપરાંત મંદિરના પુજા માટે મુકેલા દાગીના અને સિક્કા ચોરી ગયા હતા. ચોરીની જાણ સવારે મકાનની ઉપરના ભાગે રહેતા ભાડુઆતને થતા તેમણે ઝવેરી મોલ્લાના લોકોને જાણ કરી હતી. તમામે પોલીસને અને ડુંગરસિંહને જાણ કરી હતી જેથી ઘટનાની જાણ થતાં પોલીસ ઘટના સ્થળે પહોંચી ચોરીની ફરિયાદ લઈ આગળની વધુ તપાસ હાથ ધરી હતી.