બારડોલીનાં અસ્તાનથી ખરવાસા જતાં રોડ પરથી પોલીસે વિદેશી દારૂનો જથ્થો ઝડપી પાડ્યો હતો. જે ગુનાનાં વોન્ટેડ આરોપીને સુરત જિલ્લા એસ.ઓ.જી પોલીસની ટીમે બાબેન ગામેથી ઝડપી પાડી વધુ કાયદેસરની કાર્યવાહી હાથ ધરી છે. સુરત જિલ્લા એસ.ઓ.જી પોલીસ સ્ટાફને ખાનગી રાહે બાતમી મળી હતી કે, અસ્તાનથી ખરવાસા જતાં રોડ પર ખુલ્લી જગ્યામાં વિદેશી દારૂનો જથ્થો ઉતારી સગેવગે કરનારા વોન્ટેડ આરોપી મનોજ ઉર્ફે ગુંડે મહેશ શર્મા બાબેન ગામે આવેલા કાલીબસ્તીના ગેટ નજીક ઉભેલો છે. જે ચોક્કસ બાતમી આધારે પોલીસે રેડ કરી મનોજને ઝડપી પાડી તેનાં વિરુદ્ધ કાયદેસરની કાર્યવાહી હાથ ધરી છે.