સુરત હીરાબાગ સર્કલ વરાછા રોડ પર સમય પેલેસમાં રહેતા અને પલસાણાનાં તાંતીથૈયા ગામે સ્વામીનારાયણ ઇન્ડટ્રીયલ એસ્ટેટમાં શ્રીજી ઇન્ટરનેશનલ નામની પાણી સુધ્ધ કરવાના આર.ઓ પ્લાન્ટ તથા આર.ઓ પ્લાન્ટનાં પાર્ટસ બનાવી તેનુ વેચાણ કરતા હર્ષિલભાઇ ભાવેશભાઇ પાલડીયા જેઓએ ગત તા.15 ફેબ્રુઆરીનાં રોજ સાંજે તેમના ખાતામાં પડેલ સામાનનો સ્ટોક મેળવી ને તેઓ તેમના ઘરે ગયા હતા.

તે સમયે રાત્રીના કોઇ અજાણ્યા ઇસમોએ આવી તેમના ખાતામાં માંથી આર.ઓ પ્લાન્ટમાં વપરાતા મેમરન નંગ 90 જેની કિંમત રૂપિયા 27,000/- તેમજ ઇલેક્ટ્રિક પંપ નંગ 60 જેની કિંમત રૂપિયા 48,000/-મળી કુલ રૂપિયા 75 હજારની ચોરી થઇ હોવાની માલુમ પડતા હર્ષિલભાઇએ આ અજાણ્યા ચોર ઇસમો વિરૂધ્ધ કડોદરા પોલીસ મથકે ફરીયાદ નોંધાવતા પોલીસે આગળની વધુ કાર્યવાહી હાથ ધરી હતી.