નવસારી તરફથી એક મારૂતિ સ્વીફ્ટ ડીઝાયર કારમાં મોટી માત્રામાં વિદેશી દારૂ ભરીને સુરત તરફ જઈ રહી છે જે બાતમીનાં આધારે કડોદરા પોલીસ મથકનો સ્ટાફ કડોદરા ચાર રસ્તે વોચ રાખી બેઠા હતા. તે દરમ્યાન બાતમી વાળી કાર નંબર DD/09/H/2854 આવતા તેને રોકવાની કોશિશ કરતા તે પુરઝડપે સુરત તરફ હંકારી જતા તેનો ફિલ્મી ઢબે પીછો કરતા અંત્રોલી ત્રણ રસ્તા પાસે કાર ઊભી રાખી કાર ચાલક ખેતરાડી રસ્તે નાસી છૂટયો હતો. જે કાર ચેક કરતા તેમાં વિદેશી દારૂની નાની મોટી કુલ 309 બોટલો જેની કિંમત રૂપિયા 48,325, 1 નંગ મોબાઈલ તેમજ મારૂતિ સ્વીફ્ટ ડીઝાયર કાર જેની કિંમત રૂપિયા 3,53,325/-નો મુદ્દામાલ જપ્ત કરી કાર ચાલક અજાણ્યા ઈસમને વોન્ટેડ જાહેર કરી આગળની કાર્યવાહી કડોદરા GIDC પોલીસે હાથ ધરી હતી.