સુરતનાં પલસાણા તાલુકાનાં કરણ ગામે રહેતા અને કડોદરા દુકાનમાં નોકરી કરી પોતાનું ગુજરાન ચાલવતા એક વૃદ્ધ સોમવારે સાંજના સમયે દુકાનેથી છુટી તેમના ઘરે જવા માટે ચા૨ ૨સ્તા પર જઇ રહ્યા હતા. ત્યારે એસ.ટી. બસના પાછળના ટાયરમાં આવી જતા. તેઓનુ ઘટના સ્થળે જ મોત નીપજ્યુ હતું. મળતી માહિતી મુજબ, કરણ ગામે રહેતા અને કડોદરા ઠાકોરજી કોમ્પલેક્ષમાં આવેલ સાંઇ એગ્રો નામની દુકાનમાં કામ કરતા ખુસાલભાઇ મીસ્ત્રી (ઉ.વ.65) જેઓ સોમવારનાં રોજ સાંજે દુકાનેથી નીકળી કરણ ગામે તેમના ઘરે જવા માટે કડોદરા ચાર રસ્તા તરફ ચાલતા જઇ રહ્યા હતા.

તે સમયે કડોદરા ચાર રસ્તા નજીક વલ્લભ કોમ્પલેક્ષની સામે રોડ ક્રોસ કરતી વખતે સુરતથી સોનગઢ જતી એસ.ટી. બસ નંબર G/18/Z/5964નાં પાછળ ટાયરમા અચાનક આવી જતા. તેઓના માથાના ભાગે તેમજ શરીરે ગંભીર ઇજાઓ થતા તેઓનુ ઘટના સ્થળે જ કમકમાટી ભર્યુ મોત નીપજ્યુ હતુ. બનાવ અંગે કડોદરા પોલીસે બસ ચાલક સામે ગુનો નોધી વધુ તપાસ હાથ ધરી હતી.