ઉનાઇ-બુહારી, મઢી-માંડવી રોડ મઢી અને સુરાલી ગામમાંથી પસાર થાય છે. આ રોડની મધ્યેથી 11 મીટરની અંતરમાં કેટલાક ઘરો અને દુકાનોનું દબાણ હોય. જે દબાણ દૂર કરવા માટે અંદાજિત 2 વર્ષ અગાઉ ડિમોલિશનની કામગીરી હાથ ધરવામાં આવી હતી. આ કામગીરી દરમિયાન ગામના રહીશ દેવસિંગ નારસિંગ ચૌધરી દ્વારા હાઈકોર્ટમાં ડિમોલિશન અંગે કેસ દાખલ કર્યો હતો. કેસની સુનાવાણી સંદર્ભે ગુજરાત હાઈકોટ્રેટ ડિમોલિશન અંગે પરવાનગી 26/4/2023નાં રોજ આપવામાં આવી હતી. કોર્ટના ચુકાદા બાદ ત્રણ મહિનામાં ડિમોલિશન કરવાનું હોય. જે અંગે દબાણ કર્તાઓને નોટિસ પાઠવી દેવામાં આવી હતી. પરંતુ કોઈપણ દબાણકર્તા દ્વારા સ્વૈચ્છિક ડિમોલિશન ન કરતાં આખરે 27મી જુલાઈના રોજ માર્ગ મકાન વિભાગની ટીમ તેમજ મોટા પોલીસ કાફલા સાથે ડિમોલિશનની કામગીરી હાથ ધરવામાં આવી હતી. આ કામગીરી દરમિયાન 30 જેટલી દુકાન અને ઘરોનું દબાણ દૂર કરવામાં આવ્યું હતું.