સુરતનાં કામરેજ તાલુકાનાં નવગામ નજીક કામરેજ-સુરત માર્ગ પર અજાણ્યા વાહન અડફેટે મોટરસાઇકલ ચાલકનું મોત નીપજ્યું હતું. મળતી માહિતી અનુસાર, સુનિલ ગોકુલ રાઠોડ (ઉ.વ.24) સુરતનાં વરાછા ખાતે લગ્ન પ્રસંગમાં જવા નીકળ્યો હતો. તે સમયે કામરેજ-સુરત રોડ પરથી પસાર કરતી વખતે નવાગામ ગામની સીમમાં એક અજાણ્યા વાહને તેની મોટરસાઇકલને ટક્કર મારી દીધી હતી. આ અકસ્માતમાં ગંભીર રીતે ઇજા પામેલ સુનિલનું ઘટના સ્થળે જ મોત નીપજ્યું હતું. બનાવ અંગે પોલીસે અજાણ્યા વાહન ચાલક સામે ગુનો નોંધી તપાસ શરૂ કરી હતી.