પલસાણાનાં ટૂંડી ગામની સીમમાંથી ખુલ્લી જગ્યામાં સંતાડેલ વિદેશી દારૂનાં જથ્થા મળી આવ્યો હતો, જયારે આ ગુના સાથે સંકળાયેલ ત્રણ આરોપીઓને વોન્ટેડ જાહેર કરવામાં આવ્યા છે. મળતી માહિતી મુજબ, પલસાણા પોલીસ મથકના પી.આઈ.ને ખાનગી રાહે બાતમી મળી હતી કે, ટૂંડી ગામની સીમમાં ટૂંડીથી એના ગામ તરફ જતા રોડની ડાબી બાજુમાં આવેલા પાકી દીવાલની પાછળ પ્લોટમાં ખુલ્લી જગ્યામાં વિદેશી દારૂનો જથ્થો સંતાડેલો છે.

જે ચોક્કસ બાતમીનાં આધારે પોલીસે રેઈડ કરી હતી અને વિદેશી દારૂની બોટલો નંગ 720 જેની કિંમત રૂપિયા 86,400/-નો જથ્થો ઝડપી પાડ્યો હતો. આમ, પોલીસે પલસાણા તાલુકાનાં એના ગામે રહેતા વિરાગ ઉર્ફે બંટો રમેશ રાઠોડ, અરવિંદ ભુલાભાઈ રાઠોડ અને મહેશ બાબુભાઈ રાઠોડને વોન્ટેડ જાહેર કરી વધુ કાયદેસરની કાર્યવાહી હાથ ધરી હતી.