મૂળ મહારાષ્ટ્રનાં નંદુરબાર જિલ્લાનાં નવાપુર તાલુકાનાં અને હાલ બારડોલી ખાતે પડાવમાં રહેતા રમેશભાઈ રામજીભાઈ દેસાઈ (ઉ.વ.58)નાઓ છૂટક મજુરીમાં કડીયા કામ કરી પોતાનું ગુજરાન ચલાવે છે. જોકે ગુરુવારનાં રોજ રમેશભાઈ સાથે અન્ય એક મજૂર બારડોલીથી પલસાણાનાં તુંડીગામે પટેલ ફળિયામાં મજુરી માટે આવ્યા હતા.

જ્યાં બપોરમાં 2 વાગ્યાનાં અરસામાં મજુરી કામ કરતા સમયે રમેશભાઈ દેસાઈ પહેલા માળનાં દાદર પરથી નીચે પટકાયા હતા. જેઓને માથામાં ગંભીર ઇજાઓ થતાં સારવાર અર્થે બારડોલી સરદાર સ્મારક હોસ્પિટલમાં ખસેડવામાં આવ્યા હતા જ્યાં તેઓનું ટૂંકી સારવાર દરમિયાન મોત નીપજ્યું હતુ. ઘટના અંગે પલસાણા પોલીસે ગુનો નોંધી વધુ તપાસ હાથ ધરી હતી.