બારડોલી નવસારી રાજ્ય ઘોરીમાર્ગ ઉપર આવેલા તાજપોર બુજરંગ ગામે બોરની મોટર ચાલુ કરતા સમયે કરંટ લાગતા 45 વર્ષીય યુવકનું મૃત્યુ થયું હતું. સુત્રો પાસેથી મળતી માહિતી મુજબ, બારડોલીનાં તાજપોર બુજરંગ ગામે આવેલ ટાંકી ફળિયા મુકામે રહેતો દિલીપ અર્જુન કોંકણી નામનો 45 વર્ષીય ઈસમ બોરની મોટર ચાલુ કરવા જતા તેને કરંટ લાગ્યો હતો. જોકે ભારે કરંટના કારણે તેના જમણા હાથમાં કોણી સુધી દાઝી જતાં તેનું મૃત્યુ થયું હતું. ઘટના અંગે બારડોલી રૂરલ પોલીસ મથક દ્વારા અકસ્માત મોતની નોંધ કરી જરૂરી કાર્યવાહી હાથ ધરાઈ હતી.