સુરતનાં માંગરોળ તાલુકાનાં કનવાડા ગામનો 15 વર્ષીય અર્જુન પ્રવીણભાઈ વસાવા ગત તારીખ 24 સવારે ગામની સીમમાં કંટોલા વીણવા જાઉં છું, એવું કહી ઘરેથી નીકળ્યો હતો અને ત્યારબાદ અર્જુન પરત ઘરે નહીં આવતા પરિવારજનોએ તેની શોધખોળ આદરી હતી. આ દરમિયાન નટુભાઈ પટેલનાં ખેતરની ફેન્સીંગ પાસેથી અર્જુન મૃત હાલતમાં મળી આવ્યો હતો. આ સમયે સાથે આવેલા કાંતાબેન પટેલે જણાવ્યું કે, આઠ દિવસ પહેલા હું ઘાસચારો લેવા આવી હતી ત્યારે આ ફેન્સીંગ સાથેથી મને કરંટ લાગ્યો હતો જેથી તપાસ કરતા તળાવ ફળિયા નજીકથી મોસાલીના લાલાભાઇ નામના વ્યક્તિએ પોતાનું ફાર્મ હાઉસ બને છે ત્યાં વીજ પાવર લઈ જવા માટે ઉપરોક્ત વીજ વાયર નાખ્યો હોવાનું જણાયેલ છે. આ ઘટનાની જાણ પોલીસને કરાતા પોલીસે સ્થળ પર આવી મરણ જનાર અર્જુનના મૃતદેહને પી.એમ. માટે સામૂહિક આરોગ્ય કેન્દ્ર ખાતે ખસેડ્યો હતો.