સુરત જિલ્લાનાં માંડવી તાલુકાનાં અરેઠ ગામે ગામીત ફળિયામાં રહેતા હેમંતભાઈ માનસિંગ ચૌધરીના લગ્ન નિરમાબેન સાથે થયા હતા. જોકે લગ્ન બાદ થોડા સમય અગાઉ પત્ની નિરમાબેન પતિનું અન્ય સ્ત્રી સાથે અફેર હોવાનો વહેમ રાખી અવાર નવાર ઝગડા કરતી હતી. જોકે ગત શનિવારે મોડી રાતે પણ બંને વચ્ચે આ બાબતે ઝગડો થતા હેમંત ચૌધરી પોતાની મોટરસાઇકલ ઘરેથી નીકળી ગયા હતા.

પરંતુ સવાર થવા છતાં હેમંતભાઈ ઘરે નહિ આવતા પરિવાર શોધખોળ કરતા કેવડિયા ગામની સીમમાં આવેલ ક્રિકેટ ગ્રાઉન્ડ પર લીમડાના ઝાડ સાથે કાંઠાની દોરી વડે ફાંસો ખાધેલી હાલતમાં હેમંતભાઈની લાશ મળી આવતા સંબધી મનુભાઈએ માંડવી પોલીસ મથકમાં જાણ કરી હતી. બનાવ અંગે પોલીસે અકસ્માત મોતનો ગુનો નોંધી વધુ તપાસ હાથ ધરી હતી.