સુરતનાં બારડોલીનાં જોગી ફળિયા નજીકથી કારમાં લઇ જવાતો વિદેશી દારૂનો જથ્થા સાથે એકને ઝડપી પાડી પડ્યો હતો, જ્યારે ચારને વોન્ટેડ જાહેર કરવામાં આવ્યા હતા. મળતી માહિતી અનુસાર, સુરત જિલ્લા એલ.સી.બી પોલીસ મથકનાં બાતમી મળી હતી કે, એક સફેદ કલરની મારૂતિ અલ્ટો કારમાં વિદેશી દારૂનો જથ્થો ભરી બારડોલી આર.ટી.ઓ. થઈ કાન ફળિયા તરફ આવનાર છે અને તે કારનું પાયલોટીંગ રાજુ ઉર્ફે રાજુ ખાનસિંગ રાઠોડ તથા હિતેશ રાજુ રાઠોડનાઓ એક મોપેડ પર કરી રહ્યાં છે.

જે બાતમીનાં આધારે પોલીસે જોગી ફળિયા નજીક વોચ ગોઠવી હતી. તે દરમિયાન બાતમી મુજબની અલ્ટો કાર આવી ચઢતા તેને રોકી કારમાં તલાશી લેતા વિદેશી દારૂની બોટલો નંગ 261 જેની કિંમત રૂપિયા 33,180/- તથા મોબાઇલ અને કાર મળી કુલ રૂપિયા 1,43,180/-નો મુદ્દામાલ કબ્જે કર્યો હતો. આમ, પોલીસે આકાશ રાજુ રાઠોડની ધરપકડ કરી હતી, જ્યારે રાજુ ખાનદેશી રાઠોડ, હિતેશ રાજુ રાઠોડ, રાહુલ વસાવા અને મેહુલ વસાવાને વોન્ટેડ જાહેર કરી વધુ કાયદેસરની કાર્યવાહી હાથ ધરી હતી.