સુરતનાં બારડોલી તાલુકાના તાજપોર ગામે ટેકરી ફળિયામાં રહેતા સાજનભાઈ સુરેશભાઈ રાઠોડ ગત તા.10 સપ્ટેમ્બરના રોજ મોડી રાતે પોતાની સાઈન મોટરસાઇકલ નંબર GJ/19/BG/2346 લઈ અમીધારા રાઈસ મિલની સામેથી બારડોલી નવસારી રોડ પર પસાર થઈ રહ્યા હતા. તે દરમિયાન વણાંકમાં પુરઝડપે મોટરસાઇકલ કાબુ નહિ રહેતા રસ્તાની બાજુમાં પડેલા લોખંડમાં ભૂંગળા સાથે મોટરસાઇકલ ધડાકાભેર અથડાઈ હતી.

ત્યારબાદ ઇજાગ્રસ્ત સાજન રાઠોડને બારડોલી સરદાર હોસ્પિટલ બાદ વધુ સારવાર માટે સુરતની સ્મીમેર હોસ્પિટલમાં સારવાર હેઠળ ખસેડવામાં આવતા હય ગત તા.7 ઓક્ટોબરના રોજ મોડી સાંજે ચાલુ સારવાર દરમિયાન ફરજ પરના તબીબે યુવકને મૃત જાહેર કર્યા હતા. ઘટના અંગે બારડોલી રૂરલ પોલીસે નોંધ લઈ વધુ તપાસ હાથ ધરી હતી.