નવસારી સિવિલ હોસ્પિટલ પાસે એક કાર ચાલકે ગફલતભરી રીતે કાર હાંકતા ચારથી વધુ બાઈક ચાલકોને અડફેટે અકસ્માત સર્જી લોકોને ગંભીર રીતે ઘાયલ કર્યા હતા. બનાવની વિગત એવી છે કે, સિવિલ હોસ્પિટલની સામે એક બાઈક ચાલકને અડફેટે લેતા બાઈક ચાલક ગંભીર રીતે ઇજાગ્રસ્ત થયો હતો. તો સાથે જ અન્ય રાહદારીઓને પણ અડફેટે લીધા હતા.

જેથી તેમને ખાનગી અને સિવિલ હોસ્પિટલમાં સારવાર માટે ખસેડવામાં આવ્યા હતા. જયારે કાર ચાલક ત્યાંથી ભાગવાના પ્રયાસ કરતા લોકોએ પકડી તેને ટાઉન પોલીસમાં લઈ જવામાં આવ્યો હતો જેમાં પોલીસે અકસ્માત મુદ્દે ફરિયાદ દાખલ કરવાની તજવીજ હાથ ધરી હતી.