સુરત જિલ્લાનાં માંડવી તાલુકાનાં વરેલી ગામે વહેર ફળિયામાં રહેતા વિષ્ણુભાઈ અબુંભાઈ રાઠોડ (ઉ.વ.19) રવિવારનાં રોજ બપોરનાં સમયે પોતાના ગામની સીમમાં આવેલ બ્લોક નંબર-2 અને સર્વે નંબર-2 પર આવેલ ગુલામભાઈ દીદારભાઈ મલેકના ખેતરમાં મજુરી માટે ગયા હતા. તેઓ કેળાનાં ખેતરમાં કેળના પીલા કાપવાનું કામ કરી રહ્યા હતા. ત્યારે ખેતર ઉપરથી પસાર થતા વિજવાયર એકાએક તૂટીને નીચે પડતા વિષ્ણુ રાઠોડનાં ખભા પર પડ્યો હતો જ્યાં તેમનું કરંટ લાગવાથી ઘટના સ્થળે જ મોત નીપજ્યું હતુ. ઘટના અંગે માંડવી પોલીસે ગુનાની નોંધ લઈ વધુ તપાસ હાથ ધરી હતી.