વિક્રાંત મેસી અને શનાયા કપૂરની ફિલ્મ ‘આંખો કી ગુસ્તાખિયાં’નું શૂટિંગ શરુ થઈ ગયું છે. આ ફિલ્મનું શૂટિંગ મુંબઈ, મસૂરી અને યુરોપમાં થશે. ફિલ્મને ૨૦૨૫માં રીલિઝ કરવાનું પ્લાનિંગ છે. આ ફિલ્મ રસ્કિન બોન્ડની એક શોર્ટ સ્ટોરી પર આધારિત છે. ફિલ્મ સાથે સંકળાયેલા સુત્રોના જણાવ્યા અનુસાર આ એક લવ સ્ટોરી હશે. બોલીવૂડમાં કેટલાંય વર્ષોથી મ્યુઝિકલ રોમાન્ટિક ફિલ્મો ઓછી બને છે. અમે તે ખોટને પુરવા પ્રયાસ કરી રહ્યા છીએ. ફિલ્મના સંગીત પર પૂરતું ધ્યાન અપાશે. વિક્રાંત મેસી તેની કારકિર્દીમાં અનેક પ્રકારના રોલ ભજવી રહ્યો છે. જોકે કોઈ ફિલ્મમાં સમગ્રતયા લવર બોયનો રોલ હોય તેવી તેની આ પહેલી ફિલ્મ હશે. શનાયા કપૂર કેટલાય સમયથી બોલીવૂડમાં મોટાપાયે બ્રેક માટે પ્રયાસ કરી રહી હતી. આ ફિલ્મ દ્વારા તેને બિગ સ્ક્રીન પર મોટી તક મળી છે.