બારડોલીનાં કેદારેશ્વર મંદિરની બાજુમાં મીંઢોળા નદીનાં ઓવારે ત્રણ દિવસ પહેલા એક્સ્પાયરી ડેટની વિવિધ પ્રકારની દવાનો મોટો વેસ્ટ જથ્થો કોઈક ફેંકીને જતો રહ્યો હતો. જોકે પાવર હાઉસ પાસે રહેતા જગદીશ ભરવાડ માછલીઓને ખોરાક નાંખવા માટે ગયા હતા. તે સમયે મંદિરનાં ઓવારા પાસે કોઈ ત્રાહિત વ્યક્તિઓ ભારી માત્રામાં એક્સ્પાયરી તારીખવાળી દવાઓ નાંખી ભાગી ગયા હતા.

મોટા ભાગની દવાનો જથ્થો નદીના પાણીમાં ઓગળી ગયો હતો અને કેટલોક વહી ગયો હતો જ્યારે બાકીની દવાઓ કિનારા પર કાદવ કીચડવાળા પાણીમાં પડેલી મળી હતી. મળતી માહિતી મુજબ, બારડોલીમાં રહેતો જગદીશ ભરવાડ મીંઢોળા નદીમાં માછલીઓને ખોરાક આપવા જતા અમુક દવાઓ નદીના ઓવારે પડી હતી. બીજી દવાઓ પાણીમાં જતી રહી હતી. જ્યારે મોટા ભાગનો એક્સ્પાયરી ડેટની દવાનો જથ્થો નદી કિનારાના કાદવ કીચડવાળા પાણીમાં ભીંજાઈ પીગળી ગયો હતો. જગદીશ ભરવાડે આ અંગેની જાણ એનિમલ વેલફેર ચલાવતા જતીન રાઠોડને કરતા તેણે નદીનાં ઓવારે જઈ જોતા દવાઓના બોક્સ, સિરપો એકસ્પાયરી તારીખવાળી જોવા મળી આવી હતી. જતીન રાઠોડે બારડોલી નગરપાલિકાના આરોગ્ય ખાતાના કર્મચારીને ટેલિફોનિક જાણ કરાઈ હતી.