વાપીથી પનવેલ જઈ રહેલો ગેરકાયદેસર ગુટકાના જથ્થાને નવસારી LCB પોલીસે ઝડપી પાડી કાર્યવાહી હાથ ધરવામાં આવી હતી. મળતી માહિતી અનુસાર, નેશનલ હાઇવે નંબર-48નાં મટવાડ ગામ પાસે પોલીસને બાતમી મળતા વાહન ચેકિંગમાં હતી. તે દરમિયાન મુંબઈ-અમદાવાદ રૂટ પર ટેમ્પો ચાલક ભૂલમાં નવસારી જિલ્લાની હદમાં આવી જતા તે ચીખલી થઈને સાપુતારા થઈ મહારાષ્ટ્ર જવાની ફિરાકમાં હતો તે પહેલા જ નવસારી જિલ્લા LCB ટીમે ઝડપી પાડ્યો હતો. જોકે પોલીસે ટેમ્પો રોકી તેમાં તપાસ હાથ ધરતા ટેમ્પોમાંથી રૂપિયા 5,77,280/-નો ગુટખાનો મુદ્દામાલ કબ્જે કર્યો હતો.

જોકે આ સમગ્ર મુદ્દામાલ ચાલક અને ક્લીનર પનવેલ પહોંચાડવાની માહિતી મળી હતી. જેથી LCBએ ગેરકાયદેસર ગુટખાના મુદ્દામાલ સાથે ટેમ્પો અને અન્ય સામાન મળી કુલ રૂપિયા 8,90,230/-નો મુદ્દામાલ કબ્જે કર્યો હતો. પોલીસે ગેરકાદેસર ગુટખાનાં જથ્થાને LCBએ ઝડપી પાડી વધુ તપાસ માટે ગણદેવી પોલીસને સોંપવામાં આવી છે. ગણદેવી પોલીસે વધુ તપાસ માટે આરોપીને મહારાષ્ટ્ર લઈ ગઈ છે. આ ગુટકાનો મુદ્દામાલ કોના ઇશારે અને ક્યાંથી ક્યાં મોકલવામાં આવી રહ્યો હતો તેની તપાસ કરવામાં આવી રહી હતી.