કોરોના મહામારીનાં કારણે રેલવે દ્વારા છેલ્લા બે વર્ષથી પણ વધુ સમયથી બંધ કરી દેવાયેલી અમદાવાદ-મુંબઈ પેસેન્જર ટ્રેન ફરી પાછી મંગળવારથી શરૂ થતા રોજિંદા મુસાફરો અને નોકરિયાત વર્ગમાં આનંદ વ્યાપી ગયો છે. અમદાવાદથી બીલીમોરા 7:30 વાગ્યે આવી પહોંચેલી ટ્રેનનું દિપક દુકાને, જોનીશ ગાંધી, તેજસ પટેલ, કાવ્યા સેગવ અને અક્ષય બીલીમોરીયાએ શ્રીફળ વધેરીને સ્વાગત કર્યું હતું. આ પેસેન્જર ટ્રેન હોવાથી દરેક સ્ટેશને તેના મુસાફરો મહત્તમ લાભ લઈ શકશે. કોરોનાનાં કારણે છેલ્લા બે વર્ષથી બંધ કરી દેવાયેલી ટ્રેન હવે રાબેતા મુજબ થતા સૌને રાહત પહોંચી છે.