નવસારીમાં આવેલા ટાઉન પોલીસ સ્ટેશનના ગુનામાં નાસતા ફરતા આરોપી મીનેશભાઈ કલ્પેશભાઈ ટંડેલને પોલીસે દબોચી લીધો હતો. જોકે આરોપી મૂળ બંદર રોડ માછીવાડ બીલીમોરા રહે છે તે નવસારી ST ડેપો ખાતે ઉભેલો હોવાની બાતમી મળતા નવસારી એલ.સી.બી.ની પેરોલ ફર્લો સ્કોર્ડે તેને ઝડપી પાડ્યો હતો. નવસારી જિલ્લામાં અલગ અલગ ગુનાઓમાં નોંધાયેલા આરોપીઓ લાંબા સમયથી પોલીસ પકડથી દૂર હોય તેને શોધવા માટે પેરોલ ફર્લો સ્કોર્ડ કામગીરી કરે છે.

ત્યારે નવસારીનાં ટાઉન પોલીસ સ્ટેશનમાં ગુનામાં છેલ્લા સાત મહિનાથી ભાગેડું આરોપી મનીષ ટંડેલ ST ડેપો ખાતે ઉભો છે અને શરીરે આછા લીલા રંગનું ટીશર્ટ તથા ભૂરા રંગનું જીન્સ પેન્ટ પહેરેલું છે તેવી ચોક્કસ માહિતી મળતા પોલીસે તેને ઝડપી પાડીને નવસારી ટાઉન પોલીસ સ્ટેશન ખાતે સોંપ્યો હતો.