બીલીમોરા આંતલિયા ગામે વીજ કચેરી સામે આવેલ શોપિંગ સેન્ટરનાં ઉપરના માળે એક બેગ બનાવતા કારખાનામાં સોમવારે રાત્રી દરમિયાન અચાનક આગ ફાટી નીકળતા અફરાતફરી સર્જાઈ હતી. જોકે આગનાં કારણે અચાનક ધૂમાડો ઉઠતા બીલીમોરા નગરપાલિકાના ફાયર વિભાગને જાણ કરી હતી. ફાયર વિભાગના બે વોટર બાઉઝર લઈને ફાયર ફાયટરો ઘટના સ્થળે પહોંચ્યા હતાં. આગ રહેણાંક વિસ્તાર નજીક હોવાથી લોકોના જીવ તાળવે ચોંટયા હતા.

​

જોકે, ફાયર ફાયટરોએ સતત પાણીનો મારો ચલાવતા અડધા કલાકમાં આગ કાબૂમાં આવી હતી. આ આગ શોર્ટ સર્કિટના કારણે લાગી હોવાનું પ્રાથમિક અનુમાન લગાવામાં આવી રહ્યું છે. જયારે આગના કારણે કારખાનાનો થોડો સામાન બળી ગયો હતો તેમજ પાણીના છંટકાવના કારણે દુકાનનો સરસામાન પલળી ગયો હતો. આગથી નુકસાનનો અંદાજ લગાવવામાં આવી રહ્યો છે. બીલીમોરા પાલિકાના ફાયર ફાયટર લાશ્કરો સાથે આવી પહોચી આગ પર કાબૂ મેળવી લેતા સૌએ રાહતનો શ્વાસ લીધો હતો. જોકે આગ કાબૂમાં આવતા લોકોએ રાહત અનુભવી હતી. (ફાઈલ ફોટો)