નર્મદાનાં ડેડીયાપાડા અને સાગબારા પોલીસે અંગ્રેજી દારૂનાં મુદ્દામાલ સાથે બે ઇસમોને પકડી કાયદેસરની કાર્યવાહી હાથ ધરી હતી. મળતી માહિતી મુજબ, સાગબારા પોલીસે સેલંબા નવાપાડા રોડ પરથી એક્ટીવા ગાડી ઉપર એક બેગમાં ગેરકાયદેસર વિદેશી દારૂ ટીન બીયર કુલ નંગ-36 જેની કિંમત રૂપિયા 3,600/- તથા બાઈક મળી કુલ રૂપિયા 33,600/-નો મુદ્દામાલની હેરાફેરી કરતા નવલ ચંદુભાઇ ભાભોર (રહે.મંગલમૂર્તિ સોસાયટી, ભરૂચીનાકા, અંકલેશ્વર, જિ.ભરૂચ) તથા આકાશ ટીનીયાભાઇ વસાવા (રહે.ચોર્યાશી, ભાગોળ, સબ જેલની પાછળ, અંકલેશ્વર, જિ.ભરૂચ)નાને પકડી પાડ્યા હતા.

જ્યારે ડેડીયાપાડા પોલીસે ભુતબેડા ગામથી શિતલ શાંતીલાલભાઇ વસાવા (રહે.ભરાડા, નિશાળ ફળીયું તા.દેડીયાપાડા જિ.નર્મદા)ને એક મીણીયા થેલીમાં ઇગ્લીશ દારૂનાં કાચના ક્વાટરીયા નંગ-27 તથા પ્લાસ્ટીકના ક્વાટરીયા નંગ-12 અને દેશી દારૂ પ્લાસ્ટીકના ક્વાટરીયા નંગ-62 તથા 1 નંગ મોબાઇલ મળી કુલ રૂપિયા 9 હજારનો પ્રોહી મુદ્દામાલ કબ્જે કરી સાગબરા પોલીસે આગળની કાર્યવાહી હાથ ધરી હતી.