નર્મદાનાં ડેડીયાપાડા તાલુકાનાં તાબદા ગામમાં ભાઈઓ વચ્ચે વાડામાં ભાગ બાબતે મારામારી થતાં ફરિયાદ નોંધાઈ છે. મળતી માહિતી અનુસાર, મથુર મોયલાભાઇ વસાવા (ઉ.વ.45.,રહે.તાબદા મોવડી ફળીયું) નાંએ આપેલી ફરિયાદ મુજબ તેમના ભાઈઓમાં રામજી મોયલાભાઇ વસાવા, મુકેશ મોયલાભાઇ વસાવાએ હાથમાં કુહાડી અને પરાઈ લાવી તેમના મમ્મી-પપ્પાનાં ઘરના આંગણામાં આવી કહેવા લાગેલા વાડામાં અમને કેમ જગ્યા નથી આપતા. તેમ કહી મુકેશે લોખંડની પરાઇ વડે બાપુજી મોયલાભાઇને મારવા જતા મોયલાભાઇ સાઇડમાં જતા રહેતા બચી ગયા હતા.

ત્યારે માતા આંબીબેન વચ્ચે પડતા રામજીએ કુહાડીની મુદર વડે આંબીબેનને જમણા હાથમાં મારી ફેકચર કરી તથા કુહાડીની એક મુદર કમ્મરના ભાગે મારી હતી. ત્યારબાદ બંને ભાઈઓના દીકરા, રાકેશ રામજીભાઇ વસાવા, સાજન મુકેશભાઇ વસાવા (રહે.તાબદા) પથ્થર લઇ દોડી આવી તમામ આરોપીઓ અપશબ્દો બોલી કહેતા હતા કે 'અમને વાડાની જમીનમાં જગ્યા નહીં આપો તો તમને જાનથી મારી નાખીશું' તેવી ધમકીઓ આપી હતી. ડેડીયાપાડા પોલીસે ચાર વિરૂદ્ધ ગુનો દાખલ કર્યો છે.