ગુજરાતી સાહિત્ય પરિષદ અને પી.આર.બી.આર્ટ્સ એન્ડ પી.જી.આર. કોમર્સ કોલેજના સંયુક્ત ઉપક્રમે યોજાયેલ વ્યાખ્યાનમાં વિશ્વપ્રવાસી અને સાહિત્યકાર ડૉ.ભારતીબહેન રાણેએ ‘વિશ્વની વાત માતૃભાષામાં’ વિષય પર દ્રશ્ય-શ્રાવ્ય નિદર્શન સાથે રસપ્રદ વક્તવ્ય આપ્યું હતું. જેમાં પચાસ જેટલા દેશોના પ્રવાસ દરમિયાન પોતે શું શીખ્યા, શું જાણ્યું અને માનવસંબંધોના મૂલ્યો સાથે માતૃભાષાની ઉપયોગીતા વિષે વાત કરી હતી. જોકે શરૂઆતમાં ઇન્ચાર્જ આચાર્ય ડૉ.વિક્રમ ચૌધરીએ આવકાર આપ્યો હતો. આજે ધીરે-ધીરે ભારતની અને જાતિની ભાષાઓ લુપ્ત થઈ રહી છે. ત્યારે જે તે માતૃભાષામાં સંવાદ કરીને ભાષાને જીવંત રાખી શકાય છે. ડૉ.ભારતીબહેનનો પરિચય પ્રા.સંધ્યા ભટ્ટે આપ્યો હતો. અંતે ડૉ.દિનેશ પટેલે આભારવિધિ કરી હતી.